Ipighayag kan Bangko Sentral ng Pilipinas (BSP) an desisyon kan Fitch Ratings na imantenir an investment-grade credit rating kan Pilipinas sa “BBB” alagad binago an outlook hali sa ‘stable’ pasiring sa ‘negative.’
Segun sa Fitch, an pagbabago na ini an resulta kan global energy shocks asin naglalangkaw na risk factors.
Pinag-aantisiparan man an 4.6% GDP growth sa 2026 mantang nagbabangon an public investment maski pa igwang epekto an energy costs sa household consumption.
Segun ki Bangko Sentral ng Pilipinas Governor Eli M. Remolona, Jr. na nagtetenir na pusog an ekonomiya huli sa makusog na growth asin matanos na banking sector.
Dugang pa kan opisyal na mahigot na pigmo-monitor kan ahensya an oil price pressures asin geopolitical developments, partikular an kariribukan sa Middle East, sa inflation asin pangkabilugan na ekonomiya.
Binisto man kan Fitch an proactive response kan gobierno, kaibanan an deklarasyon kan National Energy Emergency kan Marso.
Segun sa report na bastante an foreign exchange reserves na uminabot sa $106.6 billion sa katapusan kan Marso 2026.
An investment-grade rating an nagpapahiwatig kan hibabang credit risk asin access sa financing, alagad an negative outlook an patanid na kaipuhan resolberan an bagong huma sa credit profile kan nacion.
