LEGAZPI CITY – Nagtao nin asistensya an Legazpi City Police Station sa paghatod kan Commission on Elections sa Automated counting machines na gagamiton sa nagdadangadang na 2025 Midterm Election.
Segun ki Legazpi City Police Station spokesperson Police Executive Master Sergeant Carlos Paña saro an saindang ofisina sa mga nagsyerto nin seguridad sa paghatod kan Automated counting machines sa mga polling precincts sa upland area asin southern barangay kan ciudad.
Babantayan na kan saindang mga tropa an gabos na polling precincts sa ciudad poon kasuhapon hasta sa pagkatapos kan pirilian.
Pigheras pa kan opisyal na uminabot sa 150 personel an ipigdeploy sa manlain-laing lokasyon kasabay an 44 kapulisan na ipig-augment kan Albay Police Provincial Office.
Sa ibong kan pagtataong seguridad sa mga polling precincts, pigsyerto man ni Paña an pagkakaigwa nin presensya kan mga kapulisan sa mga kakalsadahan nganing mapa-otob an pazy orden.
Kamawotan man ninda na warang mangyaring insidente hasta sa matapos an 2025 Midterm Election sa ciudad nin Legazpi.
