LEGAZPI CITY—Padagos man liwat an Police Regional Office 5 sa pagsagibo nin magkakanigong lakdang mapadapit sa pag-obserbar kan COMELEC election gun ban.
Segun ki PNP Bicol Regional Director PBGen Andre Dizon, sa intrevista kan Bombo Radyo Legazpi, na 24 oras na naka-deploy an saindang mga personahes asin nagsasagibo nin checkpoint sa mga manlaen-laen na lugar sa rehiyon.
Pigtaram pa kaini na puon Enero 12 hanggang sa presente, nagkaigwa na sinda nin 6,000 na Comelec checkpoint kun saen nagresulta sa pagkakaarestar nin 16 na mga persona asin nakumpiskar man an 17 na firearms.
Mientrastanto, mas lalo man suboot nindang papahigoton an mga checkpoints lalo na sa papaabuton na karampanyahan kan mga lokal na kandidato.
