Ipigladawan kan testigong si Ramil Madriaga sa pagdangog kan Kamara an kadakulaan asin itsura kan large dark duffle bag na suboot may laog nin maabot sa P35 milyong confidential funds na ipinadeliver suboot ni Vice President Sara Duterte.
Sa imbestigasyon kan House Justice Committee, pigkwestyon ni Manila 3rd District Representative Joel Chua an magkaibang deskripsyon ni Madriaga sa saiyang duwang sinumpaan na salaysay.
Narisa kan lehislador na sa enot na dokumento an pigtutukoy bilang sarong duffle bag, mantang sa saiyang supplemental affidavit an pigladawan bilang sarong large dark bags.
Sa saiyang paglilinaw, kinumpirmar ni Madriaga na an ginamit iyo an sarong dakulaon na dark duffle bag.
Kun ikukumpara sa mga sample bag na ipinahiling sa hearing, ipigdoon kan testigo na an orihinal na bag na saiyang dara an tulo hasta apat na beses an dakula.
Piglinaw man kaini na mayong ruweda an nasabing bag asin mas mahiwas asin mahibog kumpara sa ipinahiling sa screen kan komite.
An detalyeng ini an fuera pa sa nakaaging pasabog ni Madriaga kun saen itinukdo niya an Bise Presidente na direktang nagsugo kan pag-deliver nin pondo sa Office of the Ombudsman, sa Laguna, asin sa lugar na inapod na Nomu Bashu.
