LEGAZPI CITY—Nagkundusir an PNP (Philippine National Police) Bicol katuwang an Commission on Elections (COMELEC) asin Armed Forces of the Philippines (AFP) nin 3rd Regional Joint Security Control Center Coordinating Conference bilang pagpepreparar sa papaabuton na eleksyon.
Segun ki PRO5 Bicol Regional Director Police Brigadier General Andre Dizon, sa intrevista kan Bombo Radyo Legazpi, pig-update kan saindang ahensya an mga security preparations sa nasambit na pagtiripon.
Mantang an AFP pigdiskotir man an mga sitwasyon sa kada provincia kan rehiyong Bicol.
An COMELEC nagtao man nin mga guidelines mapadapit sa “Kontra Bigay” asin mga dapat na gibohon orog na ngonian mapuon na man an local campaign elections.
Sa ibong na lado, sinabi pa kan opisyal na padagos man an saindang pagpapaotob nin heightened police visibility sa mga pampublikong lugar siring man an strategic deployment kan saindang mga personahes.
Dugang ni Dizon, na nagsasairarom sa sarong training an saindang mga personahes mapadapit sa pagmanehar kan mga ballot boxes, automated counted machines, siring man an pagse-secure kan mga ini.
Mientrastanto, nangapudan man an opisyal sa publiko na magin mapagmatiyag asin dae tulos magtubod orog na sa mga nadadalan asin nadadangog na mga bareta, asin dapat man na magin alerto asin alisto sa nangyayari sa kapalibutan.
Tinawan-duon man kaini, na an saindang ahensya nagpopromesa na magtetenir na bakong politikal asin dae makampi sa kun kiisay man na partido
 Bicol together with the Commission on Elections (COMELEC) and Armed Forces of the Philippines (AFP) conducted the 3rd Regional Joint Security Control Center Coordinating Conference in preparation for the upcoming elections.){kind=link}