LEGAZPI CITY- Binati kan Regional Director kan Bicol PNP an saiyang nasasakupan para sa magayon na performance katakod kan Project Double Barrel Alpha kan kampanya kontra iligal na droga kan gobyerno.
Sinabi ni PC/SUPT Melvin Ramon Buenafe na nanotaran an pagbaba sa numero kan naiirehistrong krimen sa bilog na rehiyong Bicol kun sain labi sa 86,000 na drug personalities an nagsurindir.
Sigon pa ki Buenafe, padagos an saindang suporta sa nasambitan na kampanya sa ibong kan isyung kikahampang kan Pambansang Pulisya sa Jee slay na nagbusol ki Presidente Rodrigo Duterte na paramientras na ipasa sa Philippine Drug Enforcement Agency (PDEA) an war on drugs.
Nagtaong dalan man ini sa pagbuwag sa mga anti-illegal drugs unit kan PNP asin pagbilog kan Counter Intelligence Task Force (CITF) na matutok sa internal cleansing kontra sa mga police scalawags.
Katakod kaini, sinabi kan opisyal na pwedesir na magbalik sa iligal na aktibidad an mga drug surrenderers kun kaya pigpapakusog ngunyan an PDEA.
Naghuma man ini sa sa mga durugista na baluon na magbalik sa iligal na transaksyon ngani na mahiling an saindang urag.
