Ipighayag ni Senate Deputy Majority Leader asin Ethics committee chairperson JV Ejercito na pigkokunsiderar na ni Senator Ronald “Bato” dela Rosa an dae pagresibe nin sweldo asin mga allowances.
Ini an katakod kan saiyang padagos na pag-absent sa Senado.
Pighahalat na sana suboot an pinal na desisyon ngani na i-waive ang sweldo ni dela Rosa.
Marurumduman na kan nakalihis na semana, nangapudan si Ejercito ki dela Rosa na boluntaryong dae magresibe kan saiyang sweldo asin allowances mantang dae ini nagtatrabaho.
Marurumduman na dae nag-atendir sa sesyon kan Senado si dela Rosa puon Nobyembre 2025, sa tahaw kan paglutang kan impormasyon na igwa ining warrant of arrest hali sa International Criminal Court (ICC) katakod kan war on drugs kan nakalihis na administrasyon.
