LEGAZPI CITY—Labi an kaogmahan kan mga kaparientes kan mga biktima kan war on drugs makalihis na kinumpirmar kan International Criminal Court Pre-Trial Chamber I an gabos nin kaso laban ki dating Presidente Rodrigo Duterte asin itinakda na ining mag-abanse sa pormal na paglilitis.
Segun ki Dhalia Cuartero, ina kan saro sa mga biktima nin drug war ,sa intrevista kan Bombo Radyo Legazpi, ikinaogma ninda an desisyon na tuldokan an kadakol na apela kan pamilya Duterte asin naglalaom sinda na magpadagos ini huli sa haloy na sindang naghahalat na maipadagos an paglilitis.
Dugang niya na enot pa sana an makusog na an saiyang pagtubod na 99% na maninigar an apela kan mga Duterte huli sa marereparo man ini sa mga ebidensyang pigpresentar sa ICC.
Mawot man kan saindang grupo na magtinir na panghabambuhay an dating Presidente sa ICC asin ipigpangadyi man ninda na maghalaba pa an saiyang buhay nganing matawan sinda nin hustisya.
Nagmamawot man si Cuartero na madakop na man an mga kasabwat kan dating presidente sa saiyang war on drugs.
Pig-engganyar man niya na magluwas na an mga dae pa naglalantad na iba pang mga kaparientes kan mga biktima kan war on drugs huli sa kaipuhan man nin hustisya kan saindang mga pamilya.
