Ipapa-subpoena na kan National Bureau of Investigation (NBI) ang pirang opisyal kan Philippine Southeast Asian Games Organizing Committee (PHISGOC) sa Lunes, July 20.
Segun ki Director Melvin Matibag, nasa saiya na an kopya kan mga pangaran na papadarahan kan subpoena.
Kinabibilangan ini kan mga haralangkaw na opisyal kan komite, kabale an chairman, president asin incorporator an kumpaniyang nakaiba sa pagpatindog kan kontrobersiyal na New Clark City Sports Complex sa Tarlac.
Pagdoon ni Matibag, parte ini kan fact-finding investigation sa paggamit kan pondong dating itinagama para sa 2019 Southeast Asian (SEA) Games.
Sienerto kan NBI chief na gabos kan mga imbuelto asin may paninimbagan sa nasabing proyekto an bubukudon kan gobierno.
Bago kaini an sinabi kan opisyal na posible man ipaapod si Department of Public Works and Highways (DPWH) Secretary Vince Dizon sa sainda fact-finding investigation nganing mahapot mapadapit sa pigpatindog na sports complex.
