Kadakol na mga aeropuerto sa Asya an naghigpit sa health monitoring kasunod kan outbreak kan Nipah virus sa West Bengal.
Limang health workers sa West Bengal an naireport na nagkaigwa kan virus kan mga nakaaging semana asin nasa kritikal na kamugtakan.
Mantang igwang 110 katawo na nakasalamuha kan mga ini an naka-quarantine ngonian.
An naunambitang virus an pwedesir mailipat hale sa mga ataman na hayop pasiring sa tawo na may halangkaw na death range na minaabot sa 40 percent hasta sa 75 percent, asin wara pa nin mga bulong o bakuna para digdi.
Huli kaini, pinahigot kan Thailand an mga restriksyon, na nagkokondukta nin mga screening sa tulo sa mga aeropuerto kaini, urog na para sa mga hale sa India.
Magin sa Nepal, naghigpit sinda sa mga nag-aarabot sa Kathmandu airport asin sa nagkapirang land border ninda kan India.
