Liwat na nagi-init an tesyon sa pagultangan kan Iran asin Estados Unidos makalihis an impormasyon na magkakaigwa nin serye nin suway asin posibleng direktang pag-oolay sa Pakistan.
Segun sa state broadcaster IRIB, wara sa plano ni Foreign Minister Abbas Araghchi na makipaghilingan nin direkta sa US officials sa Pakistan, alagad posibleng magin tulay an Islamabad ngani na maipaabot an posisyon kan Iran dapit sa posibleng pagtatapos kan giyera.
Mientras tanto, sinabi kan White House na ipinadara kaini sinda Steve Witkoff asin Jared Kushner sa Pakistan makalihis maghagad an Iran nin face-to-face discussions.
Basado sa sarong opisyal kan Pakistan na magkakaigwa muna nin suway na pag-oolay an mga delegasyon kan Amerika asin Iran sa mga opisyal kan Pakistan antes an posibleng direktang pag-oolay sa Domingo kun magigin matanos an enot na round kan diskusyon.
Napag-araman na uminabot sa Pakistan si Araghchi para sa suway na pagdiskutir kan bilateral issues kan Iran asin Pakistan.
