LEGAZPI CITY-Nagtutubod an sarong Political Analyst asin constitutional law expert na sarong makusog na ebidensya an datos hale sa Anti-Money Laundering Council (AMLC) ngani maidagos an impeachment case laban ki VP Sara Duterte.
Segun ki Atty. Michael Henry Yusingco, sa intrevista kan Bombo Radyo Legazpi, na saro ini sa malinaw asin kumbinsidong ebidensya para sa “unexplained wealth” kan sarong pampublikong opisyal.
Paliwanang pa niya na kun siya an hahaputon, an duwang ebidensya hale sa AMLC asin Ombudsman, maikokonsidera niyang “clear” asin “convincing evidence of charge” sa reklamo laban ki VP Sara Duterte.
Dugang pa niya na sinda an makakapagtaram kun may dai maipaliwanag na yaman an sarong opisyal o wara, kun kaya pwedisir na masabing magagabat an ebidensya huli ta mga opisyal ining mga dokumento asin hale sa official custodians an mga ini.
Nasa mandato na suboot kan House Committee on Justice kun igwang probable cause an impeachment asin kinakaipuhan nindang busisihon an presentasyon asin eksaminasyon kan mga naibuyagyag na ebidensya.
