Nagkasundo an Pilipinas asin China na ipagpapadagos an pagpapaotob nin rotation asin resupply missions sa BRP Sierra Madre sa Ayungin Shoal sa West Philippine Sea.
Ini an kasunod kan ika-10 Bilateral Consultation Mechanism meeting kan Pilipinas asin China dapit sa West Philippine Sea.
Ini an katakod kan pagsimbag sa mga isyu sa rehiyon, kun sain parehong ipinahayag kan duwang nacion an commitment sa dayalogo asin kooperasyon sa ibong kan dae pa nareresolberan na mga isyu.
Ipinahayag man kan Pilipinas an mga pagkahadit sa presensya kan mga barko kan Chinese Coast Guard harani sa Zambales asin mga aktibidad kaini sa maritime zones kan Pilipinas, na segun sa Department of Foreign Affairs na bako tugma sa 1982 United Nations Convention on the Law of the Sea (UNCLOS) asin maritime laws kan Pilipinas.
Liwat man na tinawan duon kan Pilipinas an dedikasyon sa matrangkilong pagresolbar sa isyu sa paagi kan dayalogo asin diplomasya.
