LEGAZPI CITY – Naghahanda na an Philippine Rural Electric Cooperatives Association Inc. (PHILRECA) mapadapit sa posibleng huma kan Bagyong Tino.
Segun ki PHILRECA Executive Director and General Manager Janeene Depay-Colingan sa intrevista kan Bombo Radyo Legazpi na nakapag-heads up na sinda sa gabos na task force commanders na i-reactivate an saindang team.
Mahigot man an saindang koordinasyon sa Region 5, Region 8, Dinagat Islands, Siargao asin Surigao huli ta ini an pighihiling nindang babaybayon kan nasabong raot nin panahon.
Nangapodan man sinda sa gabos na rehiyon na ihanda an saindang task force team asin nagmamawot siyang dae makaka-apektar nin maray si Tino sa nacion.
Pigtaram pa kan opisyal na enkaso may mapadapa kan bagyo an ibang team an saindang ipapadara nganing tumabang sa apektadong lugar nin sagkod 30 aldaw.
Kahagadan ni Colingan sa saindang miembros konsumidores an pagsabot sa pagshut-down ninda kan supply kan kuryente tuyong igwa nin bagyo huli ta mawot nindang syertuhon na salbado an mga kaharongan antes ini ibalik.
 regarding the possible threat of Bagong Tino.){kind=link}