Binanatan ni Philippine Coast Guard (PCG) spokesperson Commodore Jay Tarriela si Davao Rep. Paolo “Pulong” Duterte makalihis kaining kwestyunon an pagbugtak nin US military assets, kabale an Typhon missile system, sa Pilipinas.
Sa social media post, sinabi ni Tarriela na an mga pahayag ni Duterte an nagkawsa nin “paranoia” asin salang pananaw mapadapit sa defense partnerships kan nacion, na suboot importante nganing maprotehiran an soberanya kan Pilipinas.
Segun ki Tarriela bako paghahambog an sinabi ni AFP Chief Gen. Romeo Brawner mapadapit sa kakayahan kan Typhon system na mag-abot sagkod China, kundi paliwanag sana na an mga kagamitang militar an bako pagpapatanid sa anumang nacion.
Dugang pa niya an mga pahayag ni Duterte an gari pagdepensar sa China, huli sa kahalintulad ini kan mga tawong pigbabalewala an agresyon kan Beijing laban sa mga Pilipinong parasisira asin tropa sa West Philippine Sea (WPS).
Magigiromdomang si Rep. Duterte an aki ni dating Presidente Rodrigo Duterte, na nagtaguyod nin mas mainit na relasyon sa China—sarong polisiya na binago ni Presidente Ferdinand Marcos Jr.
An deployment kan US missile systems asin joint patrols sa irarom kan administrasyong Marcos an lalong ikinadagit kan China na padagos na pigdodoon an pagsadiri sa bilog na dispute waters sa ibong kan 2016 arbitral ruling na nagpabor sa Pilipinas.
