Sinabi ni Philippine Coast Guard spokeperson for the West Philippine Sea Commodore Jay Tarriela na warang nakulugan sa mga personnel na lunad kan barko kan Philippine Coast Guard na BRP Teresa Magbanua makalihis ining direkta asin tuyong banggaon kan China Coast Guard 5205 sa Escoda shoal kasuudma.
Sinabi kan opisyal na nagkondusir nin peligrosong pagmaniobra an nasabing Chinese vessel sa ibong kan unprovoked action kan PCG vessel mantang nasa Escoda shoal.
Bilang resulta kan nasabing pagbangga kan China sa BRP Teresa Magbanua, nagsapar ini nin danyos sa bridge wing asin port bow.
Napag-araman na nahulog man an anchor kan BRP Teresa sa laog kan Escoda shoal.
Magpapara man an Philippine Coast Guard nin grupo pasiring sa BRP Teresa Magbanua ngani na hilingon an danyos sa barko asin masierto an seaworthiness kaini.
Sinabi man ni Commodore Tarriela na ini na an ika-limang maritime incident sa West Philippine Sea sa pagultangan kan mga barko kan Pilipinas asin China para sa bulan kan Agosto.
