Pinangenotan ni Presidente Ferdinand Marcos Jr. an pagselebrar kan ika-89 anibersaryo kan Armed Forces of the Philippines (AFP) ngunyan na aldaw.
Na kun saen may tema ining “AFP @89: Sandigan ng Sambayanan Tungo sa Bagong Pilipinas.”
Ini ipig-encapsulate sa sarong matatag na promesa bilang harigi nin kusog asin katatagan kan sambayanang Pilipino.
An AFP nagmamantenir na matatag sa saindang misyon para atamanon an soberanya kan nasyon, pagmantenir kan katonenongan, suportaran an obheto kan nasyon para sa sarong Bagong Pilipinas na sarong progresibo, ligtas asin sarong inklusibong nasyon.
Kasabay an sambayanang Pilipino, ipagpapadagos kan AFP na gibuhon an saindang mandato na protehiran an nasyon asin mag-ambag para sa pag-uswag kaini.
Ipigpromesa kan AFP na tatawan ninda nin prayoridad an transparency, pagbubusol nin katonenongan, professionalism asin service excellence.
Pagsierto man kan liderato kan AFP na preparado sinda sa pag-adaptar sa nagbabagong security landscape mantang padagos na nagseserbi bilang dependable partner kan gobyerno sa pag-promote nin katonenongan, seguridad asin progreso.
