LEGAZPI CITY-Ipiganunsyo ni President Ferdinand Marcos Jr. na na-isyuhan na nin warrant of arrest sinda Sarah Discaya asin 9 na iba pa katakod kan labi sa P96.5 Milyon ghost flood project sa Davao Occidental.
Ipinahayag ni Pres. Marcos an anunsyo sa paagi kan sarong video kun sain inaakusaran sinda nin kasong graft and malversation na warang pigrerekomendang pyansa.
Dagdag pa niya na dai ini pwedisir bayadan ngani makaluwas sa mga kulungan.
Kabale digdi si Sarah Discaya na presenteng nasa kustodiya kan National Bureau of Investigation (NBI), asin walong opisyales kan Department of Public Works and Highways (DPWH) na boluntaryong nagsuko.
Marurumduman na nahahampang sa kasong graft and malversation si Discaya asin mga opisyales kan DPWH huli sa P96.5 Milyon na infrastructure project sa Davao Occidental.
An nasabing proyekto an dai man suboot naimplementar sa Jose Abad Santos in Davao Occidental.
Ipigsangat man kan Office of the Ombudsman an criminal information sa RTC sa Digos City kan Disyembre 5, 2025.
Nagsurrender man si Discaya sa nakalihis na semana maski pa warang arrest warrant hale sa korte.
