Pagtitibayon kan House Committee on Justice ngunyan na aldaw an report na nagrerekomenda kan Articles of Impeachment sa Senado kontra ki Vice President Sara Duterte.
Segun ki House Justice Committee Chair asin Batangas 2nd District Rep. Gerville Luistro, natapos na kan komite an paghiling kun igwang probable cause an mga ebidensyang ipighampang sainda.
Nagluwas sa pagdangog an nagkapirang magagabat na alegasyon, kaibanan an suboot paggamit nin P612.5 milyon na confidential funds, kun sian P125 milyon suboot an nagastos sa laog sana nin 24 na oras.
Tinuyaw man kan House Committee on Good Government and Public Accountability an “envelope system” asin suboot kahina-hinalang mga resibo.
Sa suway na forensic analysis kan National Bureau of Investigation (NBI), nagluwas suboot an pamemeke nin mga pirma.
Basado man sa Philippine Statistics Authority (PSA), natukoy an mga pekeng pangaran kan mga recepient, mantang kinumpirmar kan Commission on Audit (COA) an disallowance na nag-abot sa P73 milyon,
Kaibanan pa sa akusasyon an suboot “kill threat” kontra ki Presidente Ferdinand Marcos Jr., First Lady Liza Araneta-Marcos, asin dating Speaker Ferdinand Martin Romualdez.
