Inihayag kan Commission on Elections (COLEMEC) na maabot sa 200 na party-list groups an nag-apply na magparehistro para sa paparaning 2025 midterm elections.
Segun ki Comelec Chairman George Erwin Garcia, kapag naipaluwas na asin warang petisyon na naisangat ngani na ulangon an aplikasyon, kwalipikado na an party-list group na magbali sa 2025 elections.
Solamenteng mga organisadong grupo sana na nakarehistro sa komisyon asin nagsangat nin Manifestation of Intent to Participate an pwedeng magbali sa party-list elections sa masunod na taon.
Mientas tanto, sinabi kan Commission on Elections na kun may mga kontra sa grupong nagmamawot na magdalagan sa 2025 elections, pwede sindang magsangat nin petisyon sa komisyon sa laog nin 10 aldaw puon sa petsa kan publication.
Basado sa huring numero, igwa na nin 145 na aplikante an naaprubaran bilang party-list groups na mabali sa eleksyon sa May 2025.
