LEGAZPI CITY — Nagpaparahay na ngunyan an sarong paraoma makalihis na saksakon kan kapwa paraoma sa Barangay Nagotgot, sa banwaan kan Manito, Albay.
Binisto an biktima na si Johnson Lita, 41 anyos asin residente kan Sitio Nasipit kan nasabing barangay.
Base sa paenot na imbestigasyon, napag-araman na hale an biktima sa sarong pabayle sa Barangay Tinapian kan parehong munisipalidad kaiba an suspek na si Manuel Sale, agom kan suspek asin iba pa.
Pauli na suboot an mga ini kan bigla na sanang pinagsasaksak kan 50 anyos na suspek an biktima na tulos man na idinalagan sa ospital.
Nagsapar si Lita nin tama sa guramoy, walang auxilliary asin iba pang parte kan saiyang hawak.
Sa ngunyan, pighahanap pa an nagdulag na suspek kan mga otoridad mantang pig-aaram an motibo sa nasabing insidente.
