LEGAZPI CITY-Pignegaran kan kampo ni Vice President Sara Duterte an mga alegasyon na P125 milyones na confidential funds an nadisburse o nagastos sa laog sana nin 24 oras.
Segun kay Atty. Salvador Paolo Panelo Jr., an nagserbing abogado ni VP Sara, warang tunay na basehan an mga akusasyon ni Ramil Madriaga na nagpabisto bilang dating aide asin bagman kan Bise Presidente.
Nagtutubod suboot sinda na warang katotoohan an gabos na akusasyon ni Madriaga kun ikokonsidera an source kaini.
Sinabi man ni Madriaga na bako siya imbuelto sa confidential funds o sa anuman na kapasidad asin dae man nagsirbe bilang empleyado ni VP Sara.
Bigo man suboot si Madriaga na magpresentar nin mga dokumento ngani suportaran an saiyang mga akusasyon.
Nanindugan si Atty. Panelo na bako ini patunay na igwang koneksyon si Madriaga sa Bise Presidente asin kinuwestyon niya an kredibilidad ni Madriaga, huli ta mga campaign photos sana, group zoom meeting, asin video greeting an ipinahiling sa impeachment hearing bilang koneksyon niya sa Bise Presidente.
