LEGAZPI CITY-Mas pinahigot kan ‘River Warriors’ sa banwaan kan Virac, Catanduanes an saindang paglilinig sa mga salog asin creek ngani maibitaran an pagbabaha sa nagkapirang mga lugar.
Segun ki Virac Municipal Environment and Natural Resources Office Chief Andy Po, sa intrevista kan Bombo Radyo Legazpi na an aktibidad na ini parte kan programa kan local government unit ngani magserbi bilang flood water tuyong tag-uran.
An ‘River Warriors’, iyo an sarong programa kan LGU na obhetong linigon asin halion an mga obstruction sa salog asin creek sa mga munisipyo na sakop kan Virac.
Dagdag pa kan opisyal, na nakakatabang ini ngani buhayon an aquaculture, magkaigwa nin improvement asin magamit liwat kan mga namamanwaan.
Pigtatawang prayoridad ini ngani maibitaran an pagbabaha orog na kadalasan sa mga salog asin creek sa banwaan an pinamumugaran na nin mga kahoy asin nagkakawsa nin distroso.
Dakula man an nagin epekto kan paglilinig sa lugar asin pigsasabayan ninda nin education asin information campaign huli igwang iba pa ang nagtatapok nin mga basura.
Nakikipagkoordinar na man sinda sa mga barangay, kun sain nagkakaigwa nin imbestigasyon asin penalty na hasta P500 – P1,000.
Pangapudan man kan opisyal sa mga namamanwaan na makipagtabangan sa sainda, magkaigwa nin disiplina, asin pangatamanan an kapalibutan.
