LEGAZPI CITY-Inaprobaran kan Bangko Sentral ng Pilipinas (BSP) an temporaryong relief para sa mga institusyong pinansyal asin sa saindang mga customers sa tahaw kan krisis sa langis na dara kan tensyon sa Middle East kun saen apektado an ekonomiya.
Katakod kaini, pwedisir na magtao an mga bangko nin grace period na anom na bulan o labi pa, asin an mga agricultural loan, pwedisir na ipagpaliban sagkod sa sarong taon.
An mga pautang posible man na ilibre sa klasipikasyon bilang past-due o non-performing sa laog kan sarong taon, depende sa mga regulasyon sa pag-report kan BSP, orog na para sa mga apektadong nangungutang.
Sakop kan relief an mga restructured loan o an mga loan na dae nabayadan huli sa emerhensya, kun sain posibleng tawan nin special treatment sa bank reporting.
Katuyuhan kaini na matawan nin pagkakataon an mga parautang na makabawi asin maibitaran an mga negatibong marka sa saindang credit records, kasunod kan pagdeklarar kan National Energy Emergency sa nacion.
An mga lakdang na ini sakop pa man giraray kan lender assessment kan mga bangko.
