Pigsisierto kan Bangko Sentral ng Pilipinas (BSP) na padagos kaining babantayan ang epekto kan mga kamakailang pag-unlad sa Middle East asin mga kalamidad sa panahon mantang nakatutok sa mga maluwas na datos nganing tawan giya an direksyon kan presyo nin mga barakalon sa nacion.
Inihayag kan BSP na nagbantol sa 6.1 porsyento ang headline inflation kan Agosto hale sa 6.2 porsyento kan Hulyo huli sa mas hababang inflation sa pagkakan.
Sa ibong kaini, nagsakat sa 5.2 porsyento ang average headline inflation sa enot na walong bulan kan taong 2026, na mas halangkaw sa bilog na target kan gobierno na 3.0 porsyento.
Basado sa bulanang seasonally adjusted na antas, naglangkaw sa 0.5 porsyento ang inflation kan Agsoto hale sa zero percent kan nakalihis na bulan.
Nagbaba man an core inflation—na dae kaiba nin marikas na magbagong presyo kan pagkakan asin enerhiya—pasiring 4.1 porsyento hale sa 4.2 porsyento kan Hulyo.
Mantang nagtitinir na stable sa 8.2 porsyento ang inflation para sa mga pinakatios na pamilya o ang bottom 30 percent income households sa nacion.
An pagbaba kan pangkalahatang inflation sa pagkakan an ikinawsa kan mas matatag na supply sa merkado, partikular ang pagbarato kan gulay asin pagbantol kan presyo kan siira, mantang naglangkaw an inflation sa bagas huli sa mas halangkaw na gastos sa logistika.
Nakatabang man sa pagpapakalma kan presyo ang pagbaba kan singil sa kuryente asin tubig, mantang ang paglangkaw kan presyo kan langis sa pankinabang merkado an nagkawsa naman nin paglangkaw sa pamasahe asin transportasyon.
An nairehistrong 6.1 porsyento na inflation kan Agosto an laog sa forecast range kan BSP na 5.5 hanggang 6.5 porsyento para sa nasabing bulan.
