LEGAZPI CITY- Nangapudan an Act Teachers Bicol Union sa gobierno na magkaigwa nin pantay na diretsos an mga estudyante asin mga paratukdo, urog na sa orolay kan pagdidisiplina.
Ini an katakod kan mga nairerehistrong insidente nin kadahasan sa nagkapirang mga eskwelahan sa nacion.
Segun ki Act Teachers Bicol Union President Roque Lamadrid sa intrevista kan Bombo Radyo Legazpi na kun pigkokunsiderar kan gobierno bilang ika-duwang magurang an mga paratukdo, dapat na tawan ini nin proteksyon.
Dapat suboot na magkaigwa nin pantay na diretsos an mga paratukdo asin estudyante.
Paliwanag kan opisyal na kun nagdidisiplina kan mga estudyante an paratukdo, basta na sana ining rereklamo o kakasuhan kan magurang.
Dugang pa ni Lamadrid na bako man deserved kan mga paratukdo na basulon kan gobierno sa mga nangyayaring school violence.
