Pigtawan doon kan International Human Rights Coalition in the Philippines (IHRCP) na bako sana si dating Presidente Duterte an panimbagon sa likod kan mahiwasang gadanan na nangyari sa saiiyang kampaniya kontra iligal na droga.
Sa sarong pahayag, pigtaram ni IHRCP President Peter Murphy na maski sarong wellcome development an pagkaka-arestar kan dating presidente, dapat man suboot na panimbagon an presenteng administrasyon.
Ini an huli na man sa suboot pagpapadagos kan mga polisiya kan nakalihis na administrasyon sa administrasyon ngonian ni Pres. Ferdinand Marcos Jr.
Piggiit kan grupo na sarong critical step an enot na pagkaka-arestar sa dating presidente, alagad dae dapat magpundo digdi an hustisya.
Dapat mang maihampang sa korte an iba pang responsable sa madugong drug on war, kabale na an mga nasa irarom kan presenteng administrasyon.
Segun kay Murphy, an mga ini an dapat humampang sa international accountability, arug kan nangyayari kay dating Pres. Duterte.
Marso-11 kan maarestar an dating presidente na tulos mang dinara sa The Hague, Netherlands kinabanggihan.
Tulos siyang naghampang sa International Criminal Court (ICC) pre-trial chamber pagsapit kan March 14, huli sa kasong crimes against humanity.
 stressed that former President Duterte is not the only one responsible for the mass killings that occurred in his campaign against illegal drugs.){kind=link}