LEGAZPI CITY—Naglalaom si former ACT Teachers Representative France Castro na mabuksan an isip kan pirang senador katakod kan pigsasagibong impeachment trial ki Vice President Sara Duterte.
Segun ki Castro, sa intrevista kan Bombo Radyo Legazpi, na dapat magin impartial asin good judgment an maipapahayag kan mga senador huli sa an piglalaoman kan namamanwaan na mapanimbag si VP Sara.
Siring man na bako dapat personal attachment o political affiliation an ipairal kundi magbase sa mga ebidensya asin magdangog sa agrangay kan namamanwaan.
Dugang kaini na sarong ‘good choice’ an pagbale kan duwang senador na sinda Senator Juan Miguel Zubiri and JV Ejercito sa minorya kan Senado.
Alagad sa ibong na mas dakol man giraray an nasa majority an pighihiling ninda kun pwedesir pa na may mabago sa numero na mapabor sa conviction kan bise presidente.
