LEGAZPI CITY—Liwat na nagsagibo an grupong Pagkakaisa ng mga Samahan ng Tsuper at Operator Nationwide (PISTON) nin hiro-protesta sa hampang kan opisina kan Land Transportation Franchising and Regulatory Board sa Quezon City katakod kan pangapudan na dagdag ganansya sa mga drayber asin operator.
Segun ki PISTON President Mody Floranda, sa intrevista kan Bombo Radyo Legazpi, kasabay kan saindang pagprotesta an public hearing ka ahensya katakod kan saindang isinunad na petisyon na dagdag pasahe.
Nagin maayos an saindang protesta asin naglalaom sinda na maipaabot an pangapudan ki President Ferdinand Marcos.
Katakod man kan panibagong oil price hike ngunyan na aldaw an dapat man na maghiro an gobierno kun pano pupugulan an pagtaas sa presyo kaini.
Mientrastanto, pigpangapudan man ni Floranda na dapat bantayan kan namamanwaan an pigsasagibong impeachment trial ni Vice President Sara Duterte siring man an pagkakaarestar ki Senador Bato dela Rosa.
