LEGAZPI CITY – Pighihingoa kan pambato kan Legazpi Division sa Table Tennis na mamakuwa liwat nin bulawang medalya sa nagpapadagos na Palarong Bicol 2026.
Segun sa atletang si Estella Vasquez sa intrevista kan Bombo Radyo Legazpi na nagmamawot ining manggana nin medalya sa huring bes niya bilang parakawat sa elementary category.
Sa kada kawat niya suboot an pighihiling niya kun ano an mga error na saiyang nagibo nganing matama ini sa mga sunod na laban siring man an pag-scout sa saiyang magiging mga kalaban.
Aminado man siya na maski nanggana siya sa saiyang mga laban, dae nahahali an saiyang pagkahadit asin padagos na nakapreparar sa mga masunod na laban.
Nagmamawot man an naunambitang atleta na makakabale liwat siya sa pambato kan rehiyon Bicol na ilalaban sa palarong pambansa na gigibuhon sa Agusan Del Sur.
Nagpasalamat man si Vasquez sa saiyang pamilya, supporters, trainors asin coaches huli sa pagtukdo saiya kan mga dapat niya pang maaraman sa kawat na Table Tennis mantang sarong goodluck man suboot sa saiyang makakalaban.
