LEGAZPI CITY—Dakulang problema giraray para sa mga parasisira urog na an nagdadakop nin sirang ‘lawlaw’ o tamban na piggagamit sa sardinas, an closed fishing season na taunang nangyayari tuyong bulan nin Disyembre hasta Marso
Segun ki PAMALAKAYA Spokesperson Buddy France sa intrevista kan Bombo Radyo Legazpi, pigkonsiderar ninda na saro ining kalamidad na para sainda na dapat tulos matawan nin pangaingaipuhan an mga parasisira.
Pagdoon man kan opisyal na kada kuta sagana sa mga nadadakop na tamban an kada munisipalidad na pigdadakupan kaini, an dapat igwang pigtataong storage an Department of Agriculture o Bureau of Fisheries and Aquatic Resources.
Sinaysay kaini na nakakaiba an mga saradit na parasisira sa closed fishing season alagad warang pigtataong asistensya an gobierno, asin kaipuhan ninda an pang-uroaldaw na makakabuhay para saindang pamilya.
Nanindugan an grupo na dapat preparado an gobierno pag-abot kan closed fishing season kun sain pangapudan ninda an maitao sa mga parasadit na parasisira an P30,000 na tabang asin P15,000 para sa oil subsidy.
