LEGAZPI CITY- Konektado sa Philippine Fault Zone an nangyaring Magnitude 4.4 na linog sa banwaan kan Baleno, Masbate na sinundan pa nin apat na aftershocks segun sa Philippine Institute of Volcanology and Seismology (Phivolcs).
Sa ekslusibong intrevista kan Bombo Radyo Legazpi ki Phivolcs resident volcanologist Ed Laguerta, tectonic in nature an namatean na pagyugo kun saen nairehistro an instrumental intensity III sa ciudad kan Masbate.
Kaibanan an Masbate segment sa fault na nagkakabit man sa Leyte, Soccksargen area asin Pangasinan sa norteng parte.
Aktibo man an fault alagad hibabaw man sana an linog na igwang 19 kilometros na rarom.
Sa ibong na lado, hinale man kaini an pagkahandal kan publiko na igwang masunod na urog na dakulang pagyugo.
Segun ki Laguerta, nagkaigwa na nin dakulang paghiro sa nasabing fault kan 2004 asin kakaipuhanon pang magtipon kan fault nin dakulang pwersa tangarig sana maka-krear nin sarong dakulang linog.
Horizontal man suboot an hiro kan nasabing fault kun kaya pigpapa-ibitar kaini an paghadit kan publiko sa posibilidad kan tsunami.
