Masabat an panibagong paglangkaw nin presyo kan mga produktong petrolyo sa kaaldawan nin Pasko, ini susog sa ipinaluwas na datos kan Department of Energy-Oil Industry Management Bureau (DOE-OIMB).
Susog sa ahensya, an presyo kan kada litro nin gasolina mahalangkaw nin maabot sa P0.35 hanggang P0.70.
An diesel posibleng maglangkaw nin P1.10 hanggang P1.40 kada litro, mantang sa kerosene, piglalaomang malangkaw ini nin P0.90 hanggang P1.
Enot nang nagpaotob an mga kompanya nin petrolyo nin paglangkaw sa presyo ngunyan na semana kun saen an presyo kan kada litro nin gasolina asin diesel naghalangkaw nin P0.80 mantang an kerosene huminalangkaw nin P0.10.
An nasambitang panibagong presyo nakatalaang ipaotob ngunyan na aldaw nin Martes, Disyembre 24.
