LEGAZPI CITY- Padagos an pag-agragay ngunyan kan grupo nin mga paraoma sa rehiyong Bicol huli sa pagtios na namamatean huli sa paglangkaw kan presyo kan produktong petrolyo.
Segun ki Kilusang Magbubukid ng Bicol Spokesperson Regina Barbacena sa paghahapot kan Bombo Radyo Legazpi na kakarampot na sana an ganansya kan mga paraoma, alagad nadugangan pa an pasanin huli sa dagdag gastos sa langis.
Huli digdi, nangapudan an grupo na matawan nin P15,000 na subsidiya an mga paraoma huli sa labing epekto kan krisis sa saindang kabuhayan.
Paliwanag kaini na haros wara na nin makaon an mga paraoma urog na sa mga hararayong lugar huli sa dakulang gastos sa produksyon.
Dagdag pasakit pa suboot an pagbiyahe kan saindang mga produkto pasiring sa merkado na nangangaipo man nin dakulang kantidad oara sa transportasyon.
Segun ki Barbacena na maski pa labi an pagtios, wara man na ibang mapagpipilian an mga paraoma kundi padagos na magtanom huli ta wara man nin ibang kabuhayan.
