LEGAZPI CITY- Padagos na pinag-aadalan ngunyan kan mga ahensya de gobierno an petisyon kan mga drivers na langkawan an minimum na pamasahe sa jeep.
Segun ki Land Transportation Franchising and Regulatory Board Bicol Director Joel Defeo sa intrevista kan Bombo Radyo Legazpi na duwang factors an basehan sa paglangkaw kan pamasahe kun sain enot an sadiring desisyon kan ahensya kun nahihilig na labi an pagmahal kan presyo kan produktong petrolyo.
Ika-duwa an pagsusunad nin petisyon kan grupo nin mga drivers para sa fare hike.
Paliwanag kan opisyal na an paglalangkaw nin pamasahe an igwang epekto sa mga pasahero.
Dugang pa ni Defeo na kinakaipuhan na magsairarom sa mahigot na pag-aadal kan lakdang huli sa posibleng epekto sa ekonomiya huli sa kadifisilan na dara kaini sa mga commuters urog na kun naglalaom man sana an mga ini sa saindang basic salaries.
