Gana an Golden State Warriors laban sa Los Angeles Clippers sa paghampang kan duwa para sa Spot No. 9 sa Western Conference.
Huli digdi hahampangon kan Warriors ang Phoenix Suns para sa Spot No. 8. An manggagaa sa duwa an dagos na makakaabanse sa 2026 Playoffs asin mahampang sa top NBA team na Oklahoma City Thunder.
Sa nagin laban sa Clippers, padikit dikit na hinabol kan Warriors ang 9-point deficit na dinanas kaini sa enot na quarter, 31-22.
Sa ikaduwang quarter an nagbaba nin sarong puntos asin duwang puntos naman an ibinaba sa pagtatapos kan 3rd quarter, 89-83.
Sa ibong kan 6-point deficit, pinirit kan Warriors na idomina an huring quarter sa paagi kan agresibong opensa sa pangengenot ninda Stephen Curry asin Brandin Podziemski. Sa pag-arangkada kan Warriors, nagibo kaining ibaba sa sarong puntos ang deficit, 114-115, duwang minuto bago matapos ang laban.
Limampung segundo bago matapos ang regulation, naitabla na kan Warriors ang score sa 117, asin dagos na nag-abanse sa 120-117 sa paagi kan sarong 3-pointer ni Stephen Curry.
Dae na nakabawi pa an Clippers gikan digdi, asin lalo pang umangat sa 5 points ang lead kan Warriors sa laban, 126-121.
