LEGAZPI CITY-Pangapudan kan sarong grupo nin transportasyon na masabutan asin matawanan nin solusyon kan gobierno an agrangay kan mga nasa sektor sa tahaw kan naeeksperyensyahang krisis sa produktong petrolyo.
Segun ki Pasang Masda President Obet Martin, sa intrevista kan Bombo Radyo Legazpi na kaipuhan bumaba sinda sa ground ngani masabutan asin mahiling an mga pangyayari huli ta dai kaya kan mga nasa sektor kan transportasyon an dagdag na presyo.
Pigrerespeto man suboot niya an desisyon kan gobierno na suspindihon an taas-pamasahe alagad pig-kwestyun man ninda kun ano an pwedisir na itao kan Presidente para sa mga nasa kalsada asin transport sector.
Sinabi pa ni Martin na pigbubusol ninda an fare increase bago pa an gera sa Middle East ngani masabutan ninda kun pira an nawawara sa kita kan mga nasa sektor.
Tinawan doon pa niya na kinakaipuhan na aram kan Presidente an madapit sa fare hike asin may approval ini kan Malacañang bago pa man isagibo an anunsyo.
Sa presente, nagsasagibo na man sinda nin mga paagi ngani sana makapag-serbi sa mga namamanwaan.
Mientrastanto, magkakaigwa man nin pag-oolay an mga transport sector sa Lunes para sa saindang mga lakdang ngani maipaabot ini sa Presidente.
Pigeenganyar man niya an gabos an nasa sektor na mag-partisipar para sa kaayusan asin ngani magin matibay an saindang pakikipaglaban.
