Nagsasagibo na nin imbestigasyon an National Bureau of Investigation (NBI) mapadapit sa mga ibinuyagyag ni Ramil Madriaga na suboot assassination plot laban ki Presidente Ferdinand Marcos Jr.
Kun babalikan an ibinuyagyag ni Madriaga na nagplano suboot si dating Presidente Rodrigo Duterte nin assassination asin kudeta laban kay Presidente Marcos en kaso dae magbaba sa pwesto pag-abot kan 2025.
An kontrobersyal na pahayag an nakasaad sa supplemental affidavit ni Madriaga na isinumitir sa House Justice Committee na nagsasagibo nin impeachment hearing laban kay VP Sara.
Segun ki NBI Director Atty. Melvin Matibag, pig-iimbestigaran na ini kan nasabing opisina, asin mawot na siyasaton an kabilogan kan nasabing alegasyon.
Magin an naenot na pahayag ni Davao City Mayor Baste Duterte na ‘mawot sana ninda an payo ni Marcos’ an parte man kan piggigibong imbestigasyon.
An kontrobersyal man na ini an binutasan ni Baste sa paglalansar kan Reform Alliance for Good Governance and Accountability (RAGE Coalition) sa San Juan City, pirang aldaw na an nakalilihis.
Segun sa NBI chief, kinalaunan an maluwas an bureau kan sarong memorandum mapadapit sa nasabing imbestigasyon.
Aminado man an abogado na bako simpleng pahayag an mga ini huli sa parehong nakasentro sa presidente kan nacion.
