LEGAZP CITY-Popoonan na kan House Committee on Justice sa Marso 2 sagkod Marso 4 an pagdangog kan ika-apat na impeachment complaint laban kay Vice President Sara Duterte.
Kinumpirma ini ni House Committee on Justice asin Batangas Representative Gerville Luistro.
Sinabi ni Luistro na enot na bubusisihon kan komite kun bastante an konteksto kan mga reklamo.
Segun kay Luistro na importante an proseso kan impeachment kaya dai dapat ini maantala.
Sabay-sabay suboot na pagoolayan an apat na reklamo laban sa Bise Presidente sa sarong impeachment proceeding, alagad dai ini pisikal na pagsasararoon.
Pagoolayan man suboot an kada reklamo asin kada grounds nin hiwalay, alagad an pagboto kan mga miyembro, ibabatay sa kabilugan kan kada impeachment complaint.
Dagdag pa komite na kun pasado sa pagbusisi kan porma asin konteksto an mga reklamo, matatawanan an respondent nin sampulong aldaw ngani makapasa nin kasimbagan.
Posible man suboot na maghaloy pa an proseso huli sa apat na reklamo asin pwedisir na kadakol na grounds an mapag-oolayan.
Sinabi pa niya na an duration kan pagdangog, nakadepende kun pasado an mga reklamo sa mga nakatakdang pamantayan.
