LEGAZPI CITY – Nakatalaan nang ibarewas kan Gobierno Lokal kan Legazpi an Christmas Packages sa labi 72,000 household sa maabot na Disyembre 20, pirang aldaw antes magsapit an kapaskuhan.
Segun ki Mayor Hisham Ismail sa intrevista kan Bombo Radyo Legazpi na nakasumite na an gabos na mga barangay kan ciudad nin numero kan saindang mga household kabale an saindang mga pangaran.
Paglilinaw niya man na gabos na mga pamilya sa ciudad na nasa lista an makakaresibi huli ta saro sinda sa mga taxpayer mantang pwedesir man na magdulok sa sainda an siisay man na dae makakaresibi kan naunambitang pamaskong handog.
Afuera suboot sa pamasko sa ciudad an nakatalaan man nindang ibarewas an benipisyo kan mga senior citezen sa paagi kan gcash card sa enot na quarter kan taon.
Pigtaram pa ni Ismail na an saindang ibabarewas na i-aagi sa gcash card iyo an gikan sa lokal na gobierno asin digdi aaramon kun pwedesir man ining ipa-otob sa pagbabarewas kan pension na gikan sa national asin provincial government.
Plano man nindang dagdagan an numero kan mga senior citizen na benipisyaryo kan lokal na gobierno nganing makabale sa saindang programa.
