LEGAZPI CITY- Pinapatutukan kan grupo nin mga paratukdo an mas importanteng mga angat na kinakaipuhan na maresolberan kan gobierno.
Segun ki Teachers Dignity Coalition Chairperson Benjo Basas sa intrevista kan Bombo Radyo Legazpi dapat na dakol na mga paagi ngani na mapakusog an pagigin mas makabayan kan mga namamanwaan partikular na kan mga jovenes.
Ini an sa tahaw kan kasuguan ni Presidente Ferdinand Marcos Jr. na isabay sa flag ceremonies an pagkanta kan Bagong Pilipinas Hymn asin Pledge.
Segun sa grupo, hagad ninda na mapagbigyan an haloy na nindang pangdapudan na maibalik pagtutukdo kan Philippine History sa High School alagad dae pa ini pig-aaksyunan kan Department of Education.
Nagtutubod si Basas na dakula an maitatabang sa pagigin makabayan kan mga jovenes kun maipapasabot sa mga ini an historya kan mga pinag-agihan kan Pilipinas kaysa sa pagpapakanta nin Bagong Pilipinas Hymn na nakatutok man sana suboot sa administrasyon.
