Legazpi City- Laoman na suboot kan mga bicolano an pagbaba kan temperatura sa rehiyon nin huli man sa paparaning Amihan Season.
Segun kay Masbate Weather Specialist Christian Allen Torevillas sa intrevista kan Bombo Radyo Legazpi na nahiling ninda na may surge kan pagbugso kan amihan sa rehiyon na madara nin pagbaba sa namamateang temperatura.
Pigsabi pa kaini na sa ngunyan, under monitoring pa asin wara pang eksaktong aldaw kun nuarin ini maidedeklara.
Pigdugang pa kaini na posible suboot na sa masunod na semana madeklara nin pagpoon kan Northeast Moonsoon o Amihan.
Segun pa kay Torevillas na sa ibong kan pagdeklara kan amihan, igwang moderate suboot na tyansa na magkaigwa o may mabuong bagyo sa mga masunod na aldaw asin mga bulan na may darang makukusog na mga pag-uran.
Pigtawan doon pa kaini na mag-ingat an publiko nin huli ta an pagbaba kan temperatura pwedeng magkawsa kan nakakahawang helang arug kan Sipon asin Abo.
Base man sa saindang datos,nasa average an satuyang mamamatian na taglipot partikular na sa maabot na December hasta January 2025 asin mamamatian suboot an full blown kan amihan sa bulan kan disyembre.
Pagirumdom kaini an padagos an pag antabay sa mga state weather bureau asin pirmi magdara nin payong sa huma kan init asin tag-uran asin magin rigmat an publiko sa pagbaba kan temperatura sa rehiyon.
