LEGAZPI CITY-Posibleng sunudon suboot kan Senado an nagin legal na proseso sa impeachment trial ni dating Chief Justice Renato Corona kan 2012 kun magpapaluwas ini kan subpoena para sa tax records ni Vice President Sara Duterte, segun kay Senate impeachment court spokesperson Regie Tongol.
Sa sarong pulong balitaan, sinabi kan opisyal na naaprubahan na kan impeachment court an kahagadan kan House prosecution panel na magpaluwas nin subpoena duces tecum asin subpoena ad testificandum laban sa mga opisyal kan Land Bank of the Philippines asin sa mga dokumentong may kinaaraman sa Article I kan impeachment complaint, na nagtatalakay sa suboot sa maling paggamit o misappropriation kan confidential funds.
Napag-araman na an pag-subpoena gigibohon sa paagi kan ex parte proceedings, kaya wara suboot na rason an depensa na pugulan an pagpapaluwas kaini.
Algad, posibleng tutulan ini kan kampo kan Bise Presidente, an pag-subpoena sa panahon kan presentasyon kan ebidensya, pagsasangat kan mga dokumento, o paghahapot kan mga testigo.
Nilinaw rin kan kan Senate impeachment court spokesperson na mas komplikado an orolay kun hahagadon an mga dokumento arog kan bank records, tax records hale sa Bureau of Internal Revenue (BIR), o mga report kan Anti-Money Laundering Council (AMLC), huli sa sakop kan mga ini sa manlain-lain na ley sa bank secrecy, taxpayer confidentiality, privacy, asin iba pang legal na limitasyon.
