LEGAZPI CITY—Pigtaram kan Albay Police Provincial Office na mantenidong matoninong an saindang pagmo-monitor sa provincia ngunyan na papaabuton na eleksyon.
Segun sa pahayag ni Albay PPO Provincial Director PCol. Julius Añonuevo, na wara pa sindang nairerehistrong election-related incidents sa nasambit na lugar.
Dugang kan opisyal na dificil suboot an magin kampante kaya sainda man liwat na pigbabantayan an banwaan kan Libon sa ibong kan pagkakabugtak kaini sa orange category sa areas of concern kan Commission on Elections (COMELEC).
Magigiromdoman na kan nakalihis na eleksyon dating ipigbugtak sa red category an nasambit na banwaan.
Mientrastanto, nangapudan man si Añonuevo sa publiko na magin mapagmatiyag asin vigilant ngunyan na nagdadangadang na eleksyon.
