LEGAZPI CITY—Timbog sa buy-bust operation an sarong high-value target na indibidwal sa ikinundusir na buy-bust operation kan mga otoridad sa Ligao City, Albay.
Naarestar an suspek na si alyas “Ford” sarong 45-anyos sa pinagsarong operatiba kan Provincial Intelligence Unit, Ligao City Police Station asin Philippine Drug Enforcement Agency Albay Provincial Office.
Nakumpiskar saiya an 12 heat-sealed plastic sachets na pigtutubudang shabu na may gabat na 10 gramos asin street value na P68,000.
Idinara na an nakumpsikar na droga sa Ligao CPS para sa magkakanigong disposisyon, asin an suspek mahahampang sa kasong pagbalgar sa Republic Act No. 9165 o Comprehensive Dangerous Drugs Act of 2002.
