Nagpaabot si Presidente Bongbong Marcos kan saiyang pakikidumamay sa pamilya kan Pinoy na nagadan sa sarong missile attack sa Haifa, Israel kan Abril 5, 2026 mantang ini an yaon sa laog kan saindang harong kaiba an saiyang Israeli na agom asin biyenan.
Tulos man na pigsugo ni Presidente Marcos an mga magkakanigong ahensya na itao an gabos na asistensya sa pamilya kan nagadan.
Nagkikipagkoordinar man an Embahada kan Pilipinas sa Tel Aviv para sa marikas na pag-uli kan saiyang bangkay sa ibong kan eksistidong travel restrictions.
Sinabi kan Hepe Ehekutibo na padagos niyang pigbabantayan an sitwasyon sa rehiyon asin an kaligtasan kan lambang Pilipino an pinaka-prayoridad.
Segun sa report, ini na an ikaduwang nairehistrong pagkagadan nin mga Pinoy poon kan magputok an kariribukan sa rehiyon.
Sa presente, mantenidong naka-alerto an Department of Foreign Affairs (DFA) asin Department of Migrant Workers (DMW) nganing masyerto an kaligtasan kan iba pang Overseas Filipino Workers (OFWs) sa mga apektadong lugar sa Middle East.
