Bangkay na asin warang saplot kan madukayan sa sarong bakanteng lote sa Novaliches, Quezon City an otso anyos na babae na enot naireport na nawawara.
Huring nahiling sa CCTV an suspetsado, sarong 13-anyos na kapitbahay kan biktima an kaiba kan aki.
An mga magurang kan aki nagsumbong na nawawara ini kan Sabado.
Kan Domingo nin hapon, nakuwa an warang saplot na bangkay kan biktima sa bakanteng lote sa Barangay Sta Lucia.
Kan ma-review kan mga awtoridad an CCTV camera sa lugar, nahiling na inapod kan suspetsado an biktima asin pinasunod ini sagkod na makaabot sa bakanteng lote kun sain nakua an saiyang bangkay.
Sarong kutsilyo man an nakuwa sa pinangyarihan kan krimen.
Sinabi ni Police Lieutenant Colonel Geronimo Dimayuga Jr., Fairview Police Station Commander, na inagda niya an aki sa sarong bakanteng lote nganing ipahiling na igwa pang ibang mga bote duman.
Idinagdag pa ni Dimayuga na sinabi suboot kan suspechado na inakit niya an victima sagkod sa puro kan compound.
Sinabi ni Dimayuga na nag-olay an duwa, asin dae nag-uyon an aki sa gigibuhon ninda sagcod na piglumos kan lalaki an aki.
Segun ki Dimayuga, may mga senyales na nagtumang an aki.
Inimbitaran an binatilyo sa barangay kaibahan an saiyang tiyaon, asin sinabi kan suspechado na pigtulok niya an biktima, asin kan mawaran nin malay an aki, digdi niya na ginibo an panglulugos.
Isasairarom sa otopsiya an bangkay kan biktima, mantang an suspetsado ibabalyo sa pangangataman kan Youth Homes, asin hahampangon an murder complaint.
Iimbestigaran man kan mga otoridad kun igwa pang kaiba kan suspetsado kan mangyari an krimen.
