LEGAZPI CITY-Inasegurar kan Department of Social Welfare and Development (DSWD) na magpapadagos an pagtao nin libreng pagkakan sa mga benipisyaryo kan “Walang Gutom Program” sa ibong kan padagos na paglangkaw kan presyo kan pagkakan sa merkado huli sa nagpapadagos na tensyon Middle East.
Segun sa ahensya, nagtetenir an saindang commitment sa publiko, orog na an mga nasa vulnerable sector, na magkakaigwa sinda nin access sa mga masustansyang kakanon sa ibong kan krisis na kinakahampang kan nasyon.
Segun ki DSWD Usec. Edu Punay na huli sa padagos na paglangkaw kan presyo kan mga barakalon, padagos na nagtatrabaho an saindang ahensya ngani matawan nin praktikal asin alternatibong paagi an pagdistribwir nin kakanon na dae pigsasakripisyo an nutrisyon na makukua ninda digdi.
Sa irarom kan nabanggit na programa, an mga benepisyaryo nakakaresibe nin P3,000 kada bulan na food credits, kabali na an pagtao nin tamang pag-budget asin preparasyon.
