Pinag-aantisiparan na mamamatean an pagbaba kan presyo kan liquefied petroleum gas (LPG) asin kerosene sa masunod na mga aldaw makalihis suspinderon an excise tax sa nasabing mga produkto.
Segun sa Department of Finance (DOF) na pinaglalaoman na mamamatean kan mga namamanwaan an pagbaba sa presyo makalihis an implementasyon kan tax break.
Antes suspinderon an excise tax sa irarom kan TRAIN Law an nasa P3 kada kilo para sa LPG asin P5 man sa kada litro kan kerosene.
Sa bagong lakdang, pinaglalaoman na makakatipid an mga konsumidores nin poco mas o menos P36.96 kada 11-kilogram LPG cylinder asin P5.56 kada litro nin kerosene.
Sinabi ni Finance Undersecretary Rolando Ligon Jr., posibleng mamatean an epekto kan lakdang sa laog nin hasta duwang aldaw makalihis an implementasyon.
Marurumduman na basado sa dayos, magbebenipisyo digdi an mga low-income households, kun sain nasa 55.7% kan mga nagagamit nin LPG an kaibanan sa bottom 70%.
