LEGAZPI CITY-Padagos na magpapagirumdom sa paagi kan paglilibot sa saindang barangay an konseho kan Barangay Maslog sa Legazpi City manungod sa disgrasya na dara kan mga ilegal na paputok.
Segun kay Punong Barangay Niño Albert C. Berjuega, sa intrevista kan Bombo Radyo Legazpi, na malibot sinda ngani magpagirumdom na bawal an paggamit nin ilegal na paputok.
Ini ngani masierto an saindang seguridad sa pagselebrar kan Bagong Taon.
Mientrastanto, nagin maogma man an pagselebrar kan saindang barangay sa kada pamilya kan nakalihis na Kapaskuhan.
Nagkaigwa suboot nin pakikisumaro sa siyam a simbang gabi, pagkakaigwa nin party na pigkondusir kan manlain-lain na grupo.
Siring man an pinagaatisiparang yearend kan saindang barangay kun sain magkakaigwa nin barangay night an mga opisyales asin mga residentes.
Magkakaigwa man suboot nin pa-raffle kun sain ipapanao an sarong motorsiklo.
Mensahe kan opisyal na padagos na magkasararo para sa paguswag asin magin tanda an bagong taon ngani magibo nin tama para sa mga residentes asin mapaotob an progreso sa barangay nin warang nawawalat.
